رامي جمال: أتمنى لما تقرروا تستصافوني يبقى عن عمل فني مش مرض.
كتبت : حبيبة حسن
قام الفنان "رامي جمال" بنشر كلمات مؤثرة عبر حسابه الشخصي على موقع الإنستجرام وذلك بعد إعلانه عن مرضه بيومان.
حيث لقى الفنان تشجيع هائل ودعم معنوي كبير من زملائه الفنانين وجمهوره على إستكمال مسيرته الفنية والتعامل مع المرض بشكل طبيعي.
ووجه كلامه لمن دعموه فكتب :"شكرا على مشاعركم وعلى رقي كلامكم وعلى الوقت اللى ضيعتوه علشان تحسنوا الصورة المظلمة اللي كانت في عيني".
وأضاف "جمال" :"أنا بقيت شايف الإبتلاء ده هدية من ربنا علشان أشوف الحب ده والله دموعي مبتقفش وأنا بشوف كلامكم".
ووجه الفنان كلامه إلى زملائه الفنانين :"شكرا على كل كلمة حلوة وكل دعم شفتو".
وأختتم كلامه بتوجيه رسالة إلى وسائل الإعلام :"لكل القنوات اللى بتحاول تتواصل معايا عشان تطمن عليا بشكركم جدا".
وأضاف :"أتمنى لما تقرروا تستضيفوني يبقى عن عمل فني مش مرض مقدر شغلكم طبعا بس انا مش قابل فكرة أنى مريض".
وتابع :"أشوفكم في لقاءات فنية بعد نزول ألبومي ده أفضل نفسيا ليا ومفيش مانع نتكلم عن ازاى إتعايشت مع المرض وهتعايش بيه لو ليا عمر".
